Listen Now: 
E mea ana te kaiārahi i te Rōpū Tōrangapū Māori, ā Tariana Turia, ka tautoko rātou i te pire ā Hone Harawira kia whangaihia ngā tamariki i te kura.
Koinei tētahi ō ngā pire tuatahi ka wānangahia i roto i te whare pāremata i tēnei tau
E whakahē tonu ana ā Tau Henare i te whakatau ā tōnā rangatira ā John Key ki te whakatū i ā David Carter hei māngai ō te whare pāremata, ka heke iho ana ā Takuta Lockwood Smith i taua tūranga.
Hei tā Henare, kotahi anake te Māori kua whakatūria ki taua tūranga, arā, ko Takuta Peter Tapsell, me te aha, kei te tino he rawa atu tērā.
I tono ā Henare kia whakatūria ia ki taua tūranga, auare ake.
E ai ki ngā kōrero, e hiahia ana ā Brendon Horan, kaitorangapu tū tahi i te whare pāremata, ki te whakatū i tōnā ake rōpū tōrangapū.
Kei te kōkiri ia i tēnei whakaaro ki runga i ā pukamata.
Hei tā tōnā rangatira ō mua, ā Winston Peters ō Aotearoa Tuatahi, i panaia ā Horan i Aotearoa Tuatahi, nō reira, kāore ōnā mana i roto i te whare pāremata, nā te mea, i uru ia mā runga i te rarangi ingoa ō te rōpū.
Copyright © 2013, Uma Broadcasting Ltd
RELATED NEWS
