October 16, 2012
Kāore te Kāwanatanga e marama ana ki ngā tika ō te iwi Māori ki te wai
Kei te hui te Kaunihera Māori, te Kingi Māori, ngā iwi whai pānga, me ngā rangatira-a-iwi i te rā nei, ki te whakamaherehere i tā ratou whakautu ki te whakatau ā te Kāwanatanga kia hokona tonutia atu ngā rawa pungao ō te motu.
Hei tā John Key, kua mutu tana kōrero ki te iwi Māori mo tēnei kaupapa inaianei, ā, ka whakawhitia ā Mighty River Power i te ture rawa hinonga, arā, i te State Owned Enterprise Act, ki te ture rawa tumatawhanui, arā, ki te Public Finance Act, kia wātea ai rātou ki te hoko i ā Mighty River Power.
Hei tā Tā Eddie Taihakurei Durie, toihau takirua i te Kaunihera Māori, te ahua nei, kei te hiahia te Kāwanatanga kia haria rātou e te iwi Māori ki te kooti.
Hei tāna anō, kāore te Kāwanatanga e marama ana ki ngā tika ō te iwi Māori ki te wai.