April 18, 2024
Tai Ahu | He hē ngā kōrero a Minita Shane Jones
Ku tukuna e Te Hunga Rōia Māori o Aotearoa i tētehi reta amuamu ki te Pirimia mō ngā kōrero a Minita Shane Jones e takahi ana i te mana o Te Taraipunara o Waitangi.
Hei tā te Tūmuaki o te ohu a Tai Ahu, he pōrearea nui ngā kōrero a Minita Shane Jones me tāna kore whakaae ki te karanga a te Taraipunara kia kōrero te Minita Tamariki a Karen Chhour mō te whakakorenga o te ture 7aa i Oranga Tamariki me te aha he kuare noa ngā mahi ki ngā ture a te kāhui minita.
Hei tāna anō, ‘ki a mātou kua takahia e te Minita ērā tikanga, tērā kawa o tātou nā reira koira te aronga matua o tā mātou māharahara. He takahi i ngā kawa o te noho wehewehe o te mana o ngā minita me te mana o ngā kaiwhakawā nā konā kua tukuna i mātou tērā reta. Kua takahia e ia ngā ture o te pukapuka whai tikanga arā te Cabinet Manual.’