April 17, 2024
Reuben Taipari | Ka whakanuia te hainatanga o Te Tiriti o Waitangi ki Kaitaia
Me kaua rawa e wareware ngā tupuna o Muriwhenua nā rātou hoki te tiriti i haina.
I te 28 o Apereira 1840 e 61 ngā rangatira o te hiku o te ika i haina i te kawenata rā, ā, hei taua rangi tonu, ā te wiki e tū mai nei, ka maharatia rātou.
Hei tā te kaiwhakahaere i te kaupapa, hei tā Rueben Taipari, ka titiro rātou ki te mahi o ā rātou tupuna, me ngā pānga ki a tātou i tēnei ra tonu. Anei ngā kōrero a Rueben Taipari.
‘E hiahia ana tātou ki te ū tonu ki te kaupapa ‘toi Tū Te Tiriti’. Ehara a Waitangi anake te wāhi i hainatia te tiriti. Ko Hokianga Mangūngū arā ko Kaitaia tētehi wāhi hoki. Ko te kaupapa tika ana tēnā hoki, ki te whakanui te kaupapa o tō tātou Tiriti o Waitangi.’