March 18, 2024
Ōrākau 160 | Haere mai ki te kai a te rangatira ara he hui taumata
Ko te hui taumata kotahi rau e ono tekau o Ōrākau tētahi o ngā āhuatanga e taea e Ngāti Paretekawa te whakamāhara i ō rātou tupuna.
Koia te kōrero a te māngai ki te kaupapa, a Hinekura Maniapoto-Aranui, mō te kaupapa ka tū ki te marae o Mangatoatoa hei te 31 o Maehe.
Hei tāna pērā i tōna tupuna wahine ka maumaharau rātau mō ake ake ake i tēnei pakanga i huri ai te noho o tāua te Māori.
E ai ki a Maniapoto-Aranui, “tika hoki koianei pea te whakataukī rongonui e mōhio whānuitia e te motu engari he nui noa atu ngā whakatauki i puta i taua pakanga ko te kōrero rongonui a tāua tipuna kuia [kaiuiui] a Ahumai Te Paerata ‘Ki te mate ngā tāne ka mate hoki ko ngā wāhine me ngā tamariki’. ‘Kaua mā te waewae tutuki engari mā te upoko pakaru rānō’. He kōrero anō i puta i ngā hoa whawhai o te pakanga.”