March 18, 2024
Tumuaki Kura Māori | Me whakamā te tumuaki me te poari kaua ko ngā tauira
E tika kē ana kia whakanui ngā kaiako o Freyburg i te tū o ā rātou tauira, kaua ko te whakahāmene i ā rātou.
Koia te kōrero a te tumuaki o Te Wharekura o Manurewa a Māhia Nathan whai muri i te hāmenetanga a te kura ra i Te Papaioea i tētahi o ā rātou tauira, mo te tuha ki ngā waewae a David Seymour i tō rātou haka ki a ia.
Hei tāna Nathan, koia nei te āhua o te haka me ōna mata katoa, ā me whakamana kē te tauira rā.
E ai ki a Nathan, “e mea ana au me tau te whakamā ki te tumuaki me te poari i tō rātau kūare ki ēnei o ngā āhuatanga koia tērā taku titiro me whakanui tātau i ngā tamariki he aha tātau whakamā koirā te āhuatanga o tāua te Māori. Me whakanui kē tātau i wā tātau tamariki e māia nei e kaha nei ki te whakapouta i ō rātau whakaaro mā te haka nā reira mōku ake ko te hunga me whakamā ko te tumuaki me tōna poari.”