February 27, 2024
Moko Te Pania | E tatari ana ki te kāwanatanga mehemea ka mate ka ora rānei ngā wāri Māori
E mānukanuka ana te kaunihera o Te Taitokerau ka ahu pēwhea nei te kāwanatanga haumi kia whakakore rānei kia toitū rānei ngā wāri Māori.
Koia te kōrero a te koromatua o te kaunihera o Te Hiku o te Ika, a Moko Te Pania, i te hiahia a Nāhinara me ACT ki te whakore i ngā wāri ra.
Hei tā Tepania mātua rā me whakaputa i te kāwanatanga he aha kē hoki te mahere, te wawata nei i ā rātou mō te anamata o ngā tūrū Māori nei.
Hei tā te koromatua, “ko taku kaunihera tētahi noa iho 35 ngā kaunihera i whai wāri Māori i tērā pōtitanga ka tāpiri ki tēnā he 35 anō ngā wāri Māori mō te pōti kaunihera ka tū hei tērā tau anō. Nō reira hanga māharahara ana engari i tēnei wā e tatari ana kia puta i te kāwanatanga ngā momo kōrero kia āta mārama atu ai mātau kei ngā kaunihera e aha ana te aha.”