January 30, 2024
Rueben Taipari | Tuia te kawe, whakatairanga te kawe ko te kawe oi ko te kawe o te haere ki Waitangi
Tuia te kawe, whakatairanga te kawe ko te kawe oi ko kawe o te haere ki Waitangi.
E whakarite ana ngā iwi o te nōta kia hīkoi mō ngā rā e ono tae noa ki te rā o Waitangi kia toitu te mana o te kawenata tapu o te motu.
Koia ngā korero a te kaiwhakarite o te hīkoi mō Te Tiriti o Waitangi a Reuben Taipari, hei tāna ka mutu te hīkoi rangimārie nei ki te aroaro tonu o Waitangi ki te whare rūnanga.
Hei te Tāite e tū mai nei ka tīmata te hīkoi ki Te Hāpua ki te marae o Te Mihi.
E ai ki a Taipari, “ki runga i te whare rūnanga takoto te kaupapa o tātou hīkoi ki mea ki te ātea o te whare rūnanga o Waitangi kia tuku wero kia tuku kōrero kawenata ki te kāwanatanga a te karauna ko wai rānei e whakahē te mana ō tātou Tiriti o Waitangi. He pīki kaupapa tēnā engari harikoa te ngākau ki te whakatinana te kōrero ō tātou tūpuna mō tātou o te reanga aianei hoki.”
Ka mutu te hīkoi nei ā te rangi o Waitangi tonu ki Te Whare Rūnanga o te motu.