September 08, 2023
Te Hiku Maiangi ki te hoe!
Mā te hui ahurei o Te Hiku Maiangi ki te Taitokerau, e whai wāhi ai ngā iwi o Muriwhenua, ki te tū kotahi i te ngāhau.
Koia te kōrero a te kaiwhakahaere i te kaupapa nei a Chris Henare.
Hei tāna, e kite ana ngā hua nui kua puta i ngā hui ahurei, puta noa i te motu, ā, ko te tumanako ia, ka puawai hoki aua hua ki ngā whānau o Te Hiku o te Ika.
“Nō reira kua puta mai te whakaaro, kua tae ki te wa kia whakatū tētahi kaupapa e whakakotahi i ngā hapori o te kainga nei. Nō reira kua tino hikaka mō tēnei hui. Tika ana te korero hei te 18 o Noema ka tū waenganui i a mātou o te Hiku o te Ika. Ka tū ki te pā o Te Rangiāniwaniwa ki Awanui. Nō reira koia te mea kei mua i te aroaro o Te Hiku o Te Ika i tēnei wā.”