November 10, 2022
He ara hou mō ngā tāngata whai ora
Mā te whai wāhi atu a ngā tāngata whaiora Māori ki tētehi pokapū mate hinengaro hou i Te Wānanga o Awanuiārangi, e kite ai ngā rongoā pai mō rātou.
Koia nei te kī a Ahorangi Te Kani Kingi whai muri i te whakarewatanga o taua pokapū, ko Te Aratiatia Ki Te Hauora te ingoa, i tērā atu wiki. He mahi ngātahi tēnei pokapū i waenga i te wānanga me Te Hiringa Hauora, te wāhanga whakatairanga hauora o te kāwanatanga, ā, 16 mirona tāra te pūtea hei hāpai i te rangahau.
Hei tā Kingi, he nui ngā tuhinga mō ngā raru hinengaro, heoi he uaua ngā rongoā te kite. Ka mahi ngātahi te pokapū me ngā tangata whaiora kia whakawhanaketia ngā rongoā, ngā rautaki hoki, nā te Māori, mō te Māori hei whakapakari i te hauora hinengaro.