June 25, 2024
Paulette Tamati Eliffe | Mō te katoa ngā kaupapa e whakanui i a Matariki kaua mō tētehi iwi noa
E hikaka ana ngā uri o Ngai Tahu ki te whakahaere i ngā tikanga karakia atahāpara ō Matariki i tēnei tau.
Koia te kōrero a te māngai o te Rūnanga o te iwi a Paulette Tamati-Eliffe, i mua i tā rātou kawe i te pāhōtanga okawa ā-motu mō te kaupapa ā te ata o te Paraire ki Wanaka.
Hei tā Tamati-Eliffe, ehara i te mea mā rātou noa ngā hua nui ka puta ki te huinga hāpara, engari kē, mō te katoa o Aotearoa ā puta noa i te ao.
Hei tāna anō, ‘ki a mātou nei ehara a Matariki a Puanga rānei, i te kaupapa ake mō tētehi iwi noa, ēngari he kaupapa mō ngā iwi huri noa i te motu, ngā iwi katoa i te ao ka whakanui i tēnei kāhui whetū. Ahakoa he rerekētanga kei ia iwi mō Matariki, mō Puanga, ko tēnei te wā o te tau.’