May 02, 2024
Elijah Pue | Ehara i te mea me haere tēneti mai ki Te Matatini 2025
Kia mutu rā anō ngā whakataetae kapa haka ā-rohe, ka whakatauhia ngā wāhi noho ki Te Matatini 2025.
Koia te kōrero a te heamana i te komiti o Te Kāhui Maunga, a Elijah Pue, mō te mahi nui kei mua i tō rātou rohe ki te whakakāinga i ngā kapa haka 50 neke atu, mō te whakataetae nui whakaharahara o te ao Māori.
Hei tā Pue, he maha ngā kōwhiringa i tēnei wā, “ko ngā marae tētahi rautaki o te rohe nei, engari, ka kite hoki i ngā hōtera me ngā mōtera me ngā wahi campsites anō hoki, kei reira ētahi whare, kei reira ētahi wāhi ki te whakatū tēneti, engari kia kaua au e kī ake, haere mai ki Te Matatini me ngā tēneti, engari kei te kite atu ngā hōtera, mōtera katoa o te rohe mai i te kāhui maunga ki a Tangaroa, e taea ai te noho.”