April 16, 2024
Heeni Hoterene | He pāinga ngā maramataka Māori mō tō tātou oranga
Ki te whakamahere tika i a tātou mahi hei ngā rā, hei ngā marama e tatu mai nei, ka tutuki pai te mahi.
Koia ngā kī a te Mātanga Maramataka Māori a Heeni Hoterene nō muri mai i tāna whakarewanga i ngā mahere maramataka Māori mō ngā tau e rua e tū mai ana me te aha kua tokonui kē ake te hunga e hiahia nei ki te whai i ngā āhuatanga o te maramataka Māori. Hei tā Hotorene, mā te mārama, ka mōhio, mā te whakarite, ka ea.
‘Me whakarite tātou mō te tau hōu Māori, ahakoa kei tēnei pito e whiti ana te rā, kei tērā atu pito ka heke te hukapapa. Me kaua tātou e wareware e pāngia tātou tēnei mea te global earming. Nō reira ahakoa ngā kōrero a ngā mātua tūpuna, me whai whakaaro mātou mō ngā rā e heke tonu mai ana, hei aha? Kia ora pai ai tātou ki roto i te ao hurihuri.’