November 08, 2022
Te Hahau Waka o Te Arawa
Nā te tokoiti o ngā tāngata e mōhio ana ki te waihanga waka i whakarewa ai te wānanga Te Hahau Waka o Te Arawa kia pai te tuku o ngā pūkenga waka kia kaua hoki e ngaro pērā i te moa.
Koia te kōrero a te kaiurungi i te kaupapa nei, a Haimona Brown. Hei tāna, e toru rā te roanga o te wānanga, ā, ko tana whāinga kia matapaki i ngā āhuatanga katoa o te waihanga waka, mai i te momo o te rākau hei whai i te ngahere, tae atu ki te tārai waka me ngā karakia e hāngai pū ana ki ngā kaupapa waka hoki.
Ka tū te wānanga ki Tunohopu Marae i Rotorua. Ka tīmata ki te pōwhiri ā te pō nei, ā, ka mutu ā te Taite.