April 15, 2024
Rawiri Waru | Mā ngā huinga reo te reo o Te Arawa e ora ai
He kaupapa motuhake a te Hui Taumata Reo o Te Arawa ki te whakarauora anō i te arero reo Māori o te rohe.
Koia te kōrero a te Mema i Te Pae Motuhake o Te Arawa a Rawiri Waru mō te hui i whakakotahi ai ngā mātanga whakarauora reo puta noa i te rohe o Te Arawa.
I tū te kaupapa i te wiki ku pahemo, ā, hei tāna, ehara mā ngā mātanga anake te kaupapa nei, mō ngā uri katoa e hiahia ana te whakakaha i tō rātou reo o Te Arawa.
‘E whakarau ana i te reo Māori ki roto i a Te Arawa nei na. Nā reira koira te tino pūtake, hei hua mai pea ētahi whakaaro, ētahi atu e whakarongo ana ki ngā kōrero hei whakakaha ake pea ia ā rātou kaupapa me te tohatoha haere i ngā kupu āwhina ki tēnā, ki tēnā, ki tēnā, whakapau kaha ana ki tēnei kaupapa, he kaupapa nui whakahirahira ki Te Arawa, hēoi anō he whakakotahi i ngā tāngata ki te wāhi kotahi.’