April 11, 2024
Take Manene | “Ehara i te mea te whakamāmā te rerenga mai ō wai atu rānei hoko whenua ai.”
Kāore ngā tatau hoko whenua ki Aotearoa e tuwhera ki te tangata noa, mātua kē, me whakaatu ā rātou hiahia ki konei.
Koia ngā whakamārama a te Minita Whanake ā-Rohe a Shane Jones mō te hiahia a te kāwanantanga ki te whakakore i te ture e aukati ai te hokona atu o ngā whenua o Aotearoa ki ngā kaihoko o tāwāhi.
Hei tā Jones, he nui ngā paearu e whakatau ai te tangata tika.
“Ehara i te mea te whakamāmā te rerenga mai ō wai atu rānei hoko whenua ai. Engari ki te hiahia ā wai atu rānei ki te whakangao ki te whakapau he pūtea kia riro i ā rātau ngā rawa o Aotearoa me āta whakamārama mai e rātau he aha te painga? He aha te hua? He aha te wāriu o te whakangao pūtea mai ana e rātau, hei mahi mā rātau ki a Aotearoa.”