December 19, 2023
Kāinga Ora, Kāinga hinga rānei?
Kua whakaingoahia e te kāwanatanga hou te pirimia o mua, kaiārahi o mua hoki o Nāhinara, a Bill English, hei kaihōmiromiro i te arotake motuhake o Kāinga Ora.
Ko te arotake nei he kaupapa i puta i te mahere 100 rā a te kāwananatanga hōu, ā, hei tā te Minita Take Kāinga, hei tā Chris Bishop, nā te nui o ngā pūtea kua whakapau i a Kāinga Ora i tū ai te arotake nei.
Hei tā ngā tatauranga a te Manatū Kāinga, kua piki ngā nama a Kāinga Ora mai i te $2.7 piriona tāra i te tau 2018, ā, i te rima tau noa iho kua piki ake te nama mā te 600 ōrau ki te $12.3 piriona tāra.
Hei āpiti atu, kua piki hoki te nama whakahaere i a Kāinga Ora ki te $520 miriona mō te tau 2022 ki te 23. Hei tā Minita Bishop, he raru nui tēnā, ā, ko te aronga nui a Bill English kia āta titiro kei hea ngā kōhao hei puru kia heke ā rātou nama.