April 11, 2024
Riripeti Motu | “Tōna whā rā mātau e whakatū whare moroiti … “
Hangaia he whare ka haumaru te whānau, hangaia he pā ka haumaru te iwi.
Koia ngā mahi kua whakatutukihia e ngā rōpū mahitahi o Native Sports Performance me Te Pūkenga ki Panguru i Te Tai Tokerau ki te whakaako i ngā wahine Māori o te rohe ki te waihanga i ngā whare iti.
E 20 ngā wahine o te takiwā o Panguru i whai wāhi ki te kaupapa, ā, e rua ngā whare i waihangatia e rātou. Hei tā te māngai ki te kaupapa hei tā Riripeti Motu, ko te wāhinetanga me te Māoritanga ngā toa.
“Tōna whā rā mātau e whakatū whare moroiti ki roto o Panguru ko ngā mahi katoa i hanga mai i ēnei wāhine toa. Tōna 20 wāhine i hāpai i te kaupapa i ako i te kaupapa i whakatū i ngā whare e rua ki roto o Panguru.”