April 09, 2024
Kamaka Manuel | Ka whakanui te 100 tau o tō mātou kura o Rātana
Ko te whakatinana i ngā mātāpono o te hāhi te take i tū ai, te take hoki e ora tonu ai a Te Whare Kura Mōrehu o Ratana.
Koia ngā kōrero a te tiamana o te kura a Kamaka Manuel i mua i tā rātou whakanui i te huringa tau kotahi rau o te kura hei ngā marama e tū mai nei.
Hei tā Manuel, he kaupapa ia e whakanui ai ngā mahi kua tutuki i ngā tau, me te aro whakamua ki ngā tau e haere ake nei.
Anei āna kōrero, ‘ko tā mātou nei tūmanakotanga kia rewa ake anō rā hoki ngā kaupapa o te kura nei. Kia toro atu anō hoki ki mea tōmuri rā, ki ngā tuakana tawhito o te kura kia ahu mai nei rā ki te kaupapa nui kia whakanuia. Hēoi anō rā, kia hānga tonu rā ki ngā kupu whakaari a tō tātou nei Pāpā a Wiremu Rātana i te wā i ā ia.’