April 09, 2024
Penetaui Kleskovic | Nau mai e te ua
Kāhore te māngai o te wāri Māori o Te Hiku o Te Ika i te āwangawanga ki ngā matapae huarere o Te Tai Tokerau.
Ko Penetaui Kleskovic tērā e noho rite ana ia ki te taunga atu o tētehi āwha nui me te aha e whakaaro ana ia he pāinga tō taua momo huarere hei whakakīa ngā kurawai o te rohe.
Hei tāna, nā te kaha o ngā hīhī o Tamanuiterā, ku mimiti haere ngā puna, ā, kua wera hoki te whenua, nā reira he tohu pai kia taemaha te heke o te ua hei ngā rangi e tatu mai nei.
Anei ana whakamāramatanga, ‘me titiro au ki te pai o te ua me te pai o te āwha nā ka whakakīngia ngā hōpua wai tā te mea ka nui noa atu te kino o te tauraki i konei i tēnei tau, kua pakapaka katoa te whenua. Haere ki tūa atu o Kaitāia he one pākaka o konā. Nā, ko tō mātou he tino hari. He whāngai i ngā kararehe, hei whakamākūkūngia i ngā tupu, ēnā mea katoa. Te taha ki te tūpato, hereherengia ngā kīrehe, whakatūtikangia ngā taiapa, kia kaha tātou ki te tiaki i a tātou katoa.’