April 08, 2024
Meihana Durie | E te kāwanatanga, kaua e pā i ngā wāri Māori!
Ko te mate o te whakahaere pōtitake wāri Māori ki te tūmatanui, ko te tūmataiti kē ka hinga.
Koia ngā kōrero a tētahi o ngā kaiporotēhi kia tū ai ngā wari Māori i te tuatahi, a Ahorangi Meihana Durie, nā te kī a te Minita take kaunihera, a Simeon Brown, kia tū anō he pōtitake e mana ai te noho o ngā wāri māori i ngā rohe.
Hei tā Durie, ko tana whakapae, ka hinga ngā wāri nei i tētahi pōtitake.
Hei tāna anō, ‘kei te mōhio tātou te iwi Māori, ko te taniwha e kī a nei ko te referendum, ka riro mā te nuinga o te hapori tēnā momo pōtihanga e tūtuki. Ko te hunga ka kore e whai hua i roto i tērā momo pōtitanga, ko ngā iwi pēnei i te iwi Māori. Nō reira kei te mōhio tātou, ā tērā pōtihanga mō ngā kaunihera ā-rohe, ā-takiwā nei, ka riro mā te nuinga o ngā hapori te kī āe rānei, kāo rānei me tū ngā wāri Māori.’