March 04, 2024
Rangihuna Hudson | E whakarauora tikanga ā iwi te mahi o te rōpū rangatahi o Te Ūkaipō
He piharau a Te Ūkaipō e whangai ai ngā wawata o ngā rangatahi nō Ngāruahine iwi ki te reka o ngā kai tuku iho.
Koia te kōrero a te Kaitohutohu Rangatahi ki Te Korowai o Ngāruahine a Rangihuna Hudson mō te kaupapa i whakahī e rima tau ki muri.
Hei tā Hudson, ko tētehi o ngā tino hiahia o te kaupapa kia hao i ngā rangatahi o te iwi ki o rātou kupenga Māori, e whakarauika ai ngā tini kaupapa kei tō rātou takiwā.
‘Ko te kaupapa o Te Ūkaipō kia ahina i te hunga rangatahi ki te whai i ngā whetū, i ō rātou moemoeā e hiahia ana rātou ki te whakamahi me te karanga atu hoki ki ō mātou nei whanaunga o Ngāruahine ki te hoki mai ki ngā pā, hoki mai ki ngā marae nā te mea ka taea mātou ki te huri mai ki tō mātou nei takiwā, ki ngā marae- he iti noaiho te hunga taiohi ka tae atu ā kanohi ki te manaaki i ngā ahikā o ngā pā.’