Listen Now: 
June 26, 2013
He tokomaha kē ake ngā rangatahi e noho tonu ana ki te kura
Waatea Team
Posted On June 26, 2013
Kai te heke iho te rahi ō ngā rangatahi e taha atu nei ki rahaki, ā, ko te nuinga kai te noho ki te kura kē.
E ai ki ngā kaute, kino te wehe ō te hunga raro mai i te tekau mā ono tau te pakeke.
I te tau rua mano mā whitu whā mano rangatahi i wehe mai i te kura, engari kua tino heke wēnā kaute.
E ai ki ngā rangahau, nui atu ngā taane i ngā kōtiro kai te wehe, ā, he nui atu ngā Māori, tāne, kōtiro i wēnei kaute.
Tahi rau ono tekau mā rima taiohi kua wehe i te kura i tēnei wā ō te tau, neke atu i te toru rau te kaute i tērā tau, neke atu i te ono rau i wehe i te tau rua mano mā whitu.
I kii ā Tom Parsons, perehitini ō te kāhui tūmuaki, kua whānui te titiro ā ngā kura ki ngā raru e pā ana ki ngā tamariki ō wēnei wā.
He nui atu ngā tautoko, ngā āwhina, ngā minamina, ngā whakahau i te hunga tamariki kia noho ki te kura.
Mā te ata poipoi i te hunga nei ka mahea ngā whakaaro ka tau te tamaiti.
Copyright © 2013, UMA Broadcasting Ltd
RELATED NEWS
