April 05, 2024
Ngā wāri Māori | Waiho mā te Māori anō e whakatau
Ka raru nui ngā wāri Māori ki te riro mā ngā pōti o ahurea kē e whakamana anō ai rātou.
Koia te whakahau a te kaumātua o te pāti Māori a Rangi Mclean, i te kōkiri a te minita take ā-rohe a Simeon Brown kia tū he pōtitake e whakamoe ai, e whakamana anō ai rānei ngā wāri Māori.
Hei tā McLean, kei te hē ngā nama pōti e puta anō ai te ihu a Māori e mana tonu ai ngā wāri Māori.
“Waiho mā te Māori anō te Māori e whakariterite i ngā wāri Māori pēnā ka tukuna atu mā te tangata tiriti kāore e paku kitea te tūhanga o tētahi wari Māori. Nā te mea he nui ake rātau. Koirā aku whakaaro ka taea au te kī ka tono au i tēnā momo kōrero ki te aroaro o Seymour hei whakaaroaro māna.”