April 04, 2024
Rangitihi Pene | “…kia aukatingia te ū o aua momo ngāngara.”
Ahakoa te nui o ngā whanaketanga i te rohe o Te Arawa i ngā kotahi rau tau o tōnā Tarahiti ā-Roto, ko te kaitiakitanga te aronga matua i tēnei wā.
Koia te kōrero a te heamana tuarua i te Tarahiti ā-Roto o Te Arawa a Rangitihi Pene, whai muri i tā rātou whakanui i te huringa tau kotahi rau o te tarahiti i ngā wiki tata nei.
Hei tā Pene, ko tā rātou mahi nui ināeanei, ko te kaupare i ngā mōrearea o tēnei ao hōu.
“Ināeanei kua huri te titiro me kī, ki te kounga o te wai. Kei te kite atu i ētahi manene e uru mai nei ki roto ki ngā awa me ngā roto, pērā i ngā kahi pora, e kīa nei ko ngā golden clams, pērā me ētahi o ngā momo ika, kawea mai nei i tāwahi. Nā reira, kei te whakaheke werawera ināeanei kia ārai atu, kia aukatingia te ū o aua momo ngāngara.”