February 26, 2024
Tā Herewini Parata | Ko te mana motuhake i whakatinanahia e ngā iwi Māori
Ko te mana o te iwi Māori te mea i pukana atu ki te heamana o Te Matatini.
Koia te kōrero a Tā Herewini Parata, nō muri mai i te tū o ngā whakataetae ā-rohe o Mātaatua, Ngāti Kahungunu, me Te Tauihu o Te Waka a Maui.
Hei tā Parata, he miharo ki a ia te kite i te kotahitanga e puta ana i ngā rohe katoa.
E ai ki a Parata, “heoi anō e kōrero nei ko te kaupapa kei runga i ngā ngutu puta noa i te ao Māori ko te mana motuhake ko te kotahitanga i rongo au i te kite au i tērā āhuatanga i Tōrere kāore i kō atu kāore i kō mai ehara i te mea ko te mana motuhake kei ngā ngutu noa iho, kāore. I kite i te whakatinanatanga o te mana motuhake te mana motu hake ā-whānau te mana motuhake ā-hapū, te mana motuhake ā-iwi te mana motuhake ā-waka.”