February 26, 2024
Pikiteora Weston-Jacobson | Ka tautoko ngā pia wānanga i tō tātou Kīngi a Tūheitia
Ka whakatinanahia e te tumuaki tātakirua o Te Whare Wānanga o Waikato ngā whakahau a te kīngi ki te kaupare i ngā kaupapa here e tāmi nei i te Māori.
Koia ngā kōrero a Pikiteroa Weston-Jacobson, ki tō mātou hōtaka o Manako, i tēnei tana tau tuarua ki taua tūranga.
Hei tāna ahakoa ngā mahi a te kāwanatanga haumi, mā te whakakotahi i ngā rangatahi Māori e taea e rātau te kaupapa te āwhina.
E ai ki a Weston-Jacobson, “te kāwanatanga tino taniwha te haere ake nei i ēnei tau e toru nā reira ko tāku noa he whai i ngā kōrero ā tō tātau kīngi a Tūheitia Pōtatau Te Wherowhero VII arā he whakakotahi nō reira ka pēnei te āhua ka rau ake te pānui mā runga Pukamata mā runga Paeāhua ki ngā tauira o Te Whaere Wānanga kia haere mai he whakakotahi.”