April 02, 2024
Penetaui Kleskovic | He nui te utu ki te whakatika i ngā tūāhanga o Te Tai Tokerau
Nā te nui o te utu hei whakatika i ngā tūāhanga o te rohe ko te ahua nei ka rahi ake ngā reti ki Te Tai Tokerau.
Koia te kōrero a te māngai o te wāri māori o Te Kaunihera o Te Hiku o Te Ika a Penetaui Kleskovic nō muri mai i te arotakenga o tō rātou mahere rautaki tekau tau.
Hei tā Kleskovic, kāhore anō kia whakatau he aha te uara o te whakapiki hēoi tē taea te pēhea nā te nui o te utu kia whakatika i ngā wāhi katoa o te rohe hei ngā tau ko te haere.
‘Tāku e titiro nei, āe, ka rahi ake te utu ā tona wā ka kite pēhea te nui. Whakapai ana au mō te tekau tau ko te utu hei whakapaipai i ngā hōpua para me ngā hōpua wai, kei te wāriu o te hāwhe pīriona tāra, rima rau mīriona tāra ki te whakatikatika mō ngā tau tekau. Mō ngā tau toru tekau, kei te tika, kei te wahanga o te tahi pīriona me te tahi me te hāwhe pīriona tāra.’