March 22, 2024
Kapa Haka | Ngā whakamahuki mō te whakataetae ā-rohe o Te Whanganui-a-Tara
E ono ngā kapa ka tū, e rua ngā kapa ka eke.
Koia te wero kei mua i ngā kapahaka o Te Whanganui-a-Tara i mua i tā rātou eke i te papa tūwaewae āpōpō ki te pakanga mō te mana whakakanohi i te rohe ki Te Matatini.
Koianei te ekenga tuarua a te kapa o Te Pukehuia, ā, hei tā te kaiako matua i te kapa, hei tā Wetini Herewini, he akoranga nui mā tāna kapa i tēnei tau.
Hei tā Herewini, “e kore pea ēnei kaihaka e whai wāhi ki roto i ngā kapa matua nā reira he huarahi tēnei e rongo ai rātau te wairua Māori nā runga tonu i te mōhio ko te nuinga o ngā kaihaka kāore ō rātau reo kāore i tino tipu mai i te matatorutanga o te ao Māori nā reira he huarahi tēnei.”
Ka timata a te 9.30 i te ata, ko ngā kapa ko, Te Kaunihera o Pōneke, ko te karapu rangatahi Māori o Ngāti Pōneke, ko Te Ahi a Tahurangi, ko Te Kairangi o Poutama, ko Ngā Taonga Mai Tawhiti, ko Te Kapa Haka o Pukehuia.