Listen Now: 
Download AudioI te wā i kapongia e Te Rawhitiroa Bosch ngā whakaahua o te parāoa Puhiwai Rangi i pae ki uta i te rohe o Ng`ati Hei i tērā Oketopa, ko tōna whāinga ko te whakarite i tētehi taonga tuku iho o ngā mātauranga hauhake tohorā.
Inanahi, he hua anō ka puta – i whakaingoatia a Bosch ki ngā whiringa whāiti o te whakataetae Kaiwhakaahua o te Tau, nā te māheni New Zealand Geographic, mō āna whakaahua e ono e whakaatu atu ana i te mahi hauhake.
He tāna, “Nō reira i tino waimārie au ki te whai wāhi atu ki tērā tikanga, ki te mātaki, ki te ako, ki te āta whakaahua i te kaupapa rā. Hei aha? Hei rauemi hei whakamahi mā rātou ki te whakaako i te kaupapa nei ā ngā tau e haere ake nei, engari hei whakaatu atu hoki ki te ao, ki te motu, ki te ao whānui, i tēnei mahi a tātou.”
Tirohia ngā whakaahua whiringa toa katoa i nzgeo.com.
