March 18, 2024
Rawiri Wright | I ahu mai Te Rūnanga Nui o Ngā Kura Kaupapa Māori i te tautohe
Ki te rere te reo Māori, ā, ki te ora te ahurea Māori anō hoki, ku’ tutuki ngā hiahia a Te Rūnanga Nui o Ngā Kura Kaupapa Māori.
Koia te kōrero a te Heamana o te ohu a Rāwiri Wright i muri mai i tō rātou whakanui i tō rātou huringa tau 30 i tū ki Kaiwhaiki Marae i Whanaganui i te wiki ku’ taha ake nei.
Hei tā Wright, ko te tū pakari mō tō tātou tuakiri Māori te orokohanga mai o te ohu, me whakanuia ka tika.
‘Tuatahi i whānau mai i te tautohetohe, i whanake mai i te tautohetohe, ka whanake tonu kāhore he kore me te tautohetohe ki te kāwanatanga, ki ngā iwi kāore e mārama ana, e kūare ana ki te kaupapa, ki ētahi o ā tātou ake whanaunga e pātai ake he aha te take, he aha te take, he aha te take? Hēoi anō, ko tō tātou reo Māori, ko te oranga o te mātauranga Māori. Ko te whakawhanake i te tirohanga Māori ki roto i ngā tamariki.’