March 14, 2024
Te Kani Kingi | Me aro tika ana ngā mahi o ngā kairīpoata ki ngā take hauora hinengaro
Mā tētehi wānanga hōu e pakari ake ai ngā mahi kawe pūrongo ki te kaupapa hauora hinengaro.
Koia te kōrero ā Ahorangi Te Kani Kini, tētehi o ngā kaikauhau ki te wānanga pāpāhō e kī anei ko “Reporting on Mental Distress.”
E ai ki nga tatauranga a te Manatū Hauora o Aotearoa i te tau 2023, i piki te tokomaha o ngā tāngata i kōrero ki ngā take ratonga mate hinengaro mā te 2% ki te 12.8% i tērā tau.
Hei tā Kingi, ka whai rautaki te hui nei ki tērā tatauranga, ā, ka wānangahia ka pēhea te rīpoata tika i ngā take rā.
Ko tāna anō, ‘ko te kaupapa matua e hiahia ana mātou ki te whakamārama atu ki te hapori ki a ngāi tātou, ngā āhuatanga maha e pā ana ki te, me kī rā, ko te mate hinengaro. Nō reira, tērā te whāinga matua o tēnei huihuinga hei whakahaertia he kōrero, he kaupapa e pā ana ki te mate hinengaro. Me kī rā hoki ki te hauora o te hinengaro o ngāi tātou te iwi Māori.’