March 13, 2024
Callum Kātene | Kua pakura mai te hamuti, tūturu ake nei!
Ehara i te mea hōu te rere o te paru ki te awa, me te whanga o Pari ā Rua i Te Upoko o te Ika. Koia te kōrero a te heamana o Ngāti Toa Rangatira, whai muri i te whakatū o tētahi rāhui ki te takiwā, nā te pakaru o ngā paipa tiko ki reira.
Hei tā Kātene, kua roa rātou o te rūnanga e ngana ana ki te whakaora anō i te wāhi i tōna wā, he wāhi pai mō te kohi kaimoana.
Hei tā te heamana a Kātene, “me ngā para e whiua mai i roto i te whanga kāore he kaimoana ki reira. Ko te mahi o te rūnanga ki te haumaru anō i te whanga engari ehara i te mea he māmā noa iho he mahi uaua he mahi roa he mahi tahi me te hapori. Tērā pea i tētehi rā ka kite mātau i ētehi kaimoana i te whanga anō.”