March 11, 2024
Rīhari Tākuira | Kua huri te tai ki a Chlöe Swarbrick
Mā te māia a Chlöe Swarbrick e taea e ia te kauhoe i te puna o te ture Whakahaere Rawa i whakatoremi ai te kaiārahi takirua omua a James Shaw.
Koia ngā whakaaro o te mema pāremata omua o Nāhinara a Rīhari Tākuira, whai muri i te whakamanatanga a Chlöe Swarbrick hei kaiārahi takirua hōu o Ngā Kākāriki i te Rātapu.
Hei tā Tākuira tonu, kāore i a Shaw te kaha ki tana tūranga minita i taua wā, engari kua huri te tai ki a Swarbrick ināianei.
Hei tā Tākuira, “te taha ki ngā RMA ko wēnā kaupapa katoa i te mea kāore rawa ētahi o ēnei mea i oti i a James Shaw. E mea ana au me pēnei pea taku kōrero. Kāore anō kia oti tētahi kaupapa i a James Shaw i tōna hautanga ki roto nā ka tukua ki a ia he tūranga minita engari kīhei kē ia i tū tika ki te hakamahi i tēnā tūranga. Tēnei wahine āe ki taku mōhio he wahine kaha he wahine mārō ana whakaaro ki roto ēnei mea e kore e hoki ki muri.”