March 11, 2024
Huhana Lyndon | Ka aroha kē hoki ki ngā roherohe
E āmaimai ana tētahi mema o Ngā Kākāriki me tana matapae ka rarahi ake ngā toa hoko hikareti huri noa i te motu.
Koia ngā kōrero a te mema rārangi a Hūhana Lyndon, i muri mai i te kāwanatanga huri i ngā ture tūpeka i tērā wiki.
Hei tā Lyndon, kei te mātaku ia ka rarahi ake, ka whānui ake te hopu a ngā toa hoko hikareti nei i ōna kaihoko ki tōna kāinga i Te Tai Tokerau.
Hei tā Lyndon, “ka taea te tangata kia whakatū ētahi atu toa ki roto o te Kawakawa. Ahakoa te iti nei o te tāone. Ka taea te tangata nā ēnei mahi o te kāwanatanga. He hoko anō me kī me te mau mai ētahi atu momo kai nui tūpeka ki roto i taku iwi o Ngāti Hine. Nō reira koia ahau e tino pukuriri nei i tēnei ture motuhake te tiaki i te hauora i te tangata he tiaki anō i te hunga tai tamariki.”