March 05, 2024
Maika Te Amo | E kaha rangona tō tātou reo ki rō whare pāremata
Ahakoa te hiahia a te kāwanatanga haumi kia pēhi i tō tātou reo Māori, mā te whakahoki i ngā taitara ohu kāwantanga ki te reo Pākeha, ko te rere pai tonu te reo Māori ki rō Pāremata.
Hei tā te Kaiwhakahaere o ngā Ratonga Ao Māori ki Pāremata a Maika Te Amo, ko te Pika te kaiwhakahaere o te whare pāremata, nā me mātua mōhio ngā Kaiwhakapākeha kia tika te mahi huri i te reo Māori ki te reo Pākeha.
Hei tāna anō, ki te kore rātou ngā Kaiwhakapākeha e mahi tika, ka raru nui rātou otirā ngā mahi o Pāremata.
‘Mātuatua rā ko ngā mema Pāremata tae rawa atu ki te manawhakawā, te māngai o te whare, te pīka o te whare otirā ko te pika rā, koia te rewharī o roto o te whare. I runga i tērā, ka waihō māna e whakatau āe rānei he tika ana te kōrero a te mema, āe rānei e hāngai ana ngā kōrero ki ngā tikanga o te whare, āe rānei e hāngai ana ngā kōrero ki te kaupapa o te wā. Ki te kore, ka tika, ka tere whakatau mā ōnā hāmene.’