March 05, 2024
Haukapuanui Vercoe | Me whai rautaki tātou kia tiaki i ō tātou marae
He tata ki te 70 ōrau o ngā marae o te motu e noho ana ki ngā wāhi tino mōrearea. Koia ngā kōrero a te kairangahau pūhanga metarahi a Haukapuanui Vercoe me āna rangahau mō ngā pēhitanga o te taiao e rongo nei ngā marae o Aotearoa.
E whai ana a Vercoe i te tohu tākuta ki Waipapa Taumata Rau, ā hei tāna, ko ngā raru o ngā wāhi ka waipuke tētehi o ngā tino raru e rongo nei ngā marae.
Mā tōna rangahau e tautoko i ngā hapū huri noa i a Aotearoa kia whai mahere rautaki kia noho haumaru ake o rātou marae.
Hei tāna, ‘e ai ki 1etehi o ngā tatauranga kua tataitia, tōnā āhua 20% o ngā marae puta noa i te motu e tau ana ki ngā wāhi ka pakia te taianiwhaniwha. Tata ki te 30% kei ngā wāhi mōrearea mō te horonga o te whenua nā Rūaumoko, ā, tōnā 30% e tau ana ki ngā wāhi ka pakia oe tarawhenua mea ara ki te waipuke.’