February 28, 2024
Waimihia Maniapoto-Love | Whakakīa tō kete mātauranga i ngā take ture
Ko te mana Māori motuhake tētehi o ngā kaupapa matua ka wānangahia ki te Hui Whakarite Kāwanatanga 2024.
Koia ko tā te Kaitahutahu o Te Kāhui Tika Tangata a Waimihia Maniapoto-Love me āna whakamāramatanga mō te hui ka tū ki Te Wānanga o Waipapa Taumata Rau hei te tuarua ki te tuawhā o Āpereira.
Hei tā Maniapoto-Love, mā te haere ki te hui e whai rautaki ture hei oranganui mō tō whānau, hapū, iwi anō hoki.
‘Ko te rā tuatahi ka hāngai pū ki ngā whakaaro o te taha tino rangatiratanga me ngā take o te iwi Māori. I tēnei wā kua whakarite ētehi kaikōrero nō te ao ture me te ao tikanga Māori. Ko ēnei tangata kua roa ana e mahi i ēnei momo mahi. Rangahautia, huitia, he wānanga atu ki ngā hapori Māori, ngā whānau kia hangaia i tētehi tūāpapa ture mō Aotearoa.’