February 28, 2024
Teanau Tuiono | He takahi i te hunga koremahi ngā here hōu ki te penihana
Kei te tāmi te kāwanatanga haumi i te tokoiti e koremahi ana mā ngā here penihana hōu ka whakamanahia ā te Hune.
Koia ngā kōrero a te mema pāremata o Ngā Kākāriki a Teanau Tuiono, whai muri i te whakamana a te pāremata i ngā here ki ngā penihana.
Hei tā Tuiono, ko te mahi a te kāwanatanga haumi nei, he whakakoakoa i te hunga whairawa i pōti ki tēnei kāwanatanga.
E ai ki a Tuiono, “hiahia rātau, kia harihari ō rātau hoa, pūkoro hōhonu, ō rātau hoa whairawa, ō rātau hoa pirionia me kī, tērā te take e pērā ana rātau me te mea anō hiahia ētahi ngā kaki whero kia pērā ana i te mea kei te mōhio rātau ko tētahi rahinga o te hunga pōhara he kiri parāone he Māori he Pasifika. Nō reira tērā te take e pērā ana rātau. Kāore he hua mō te oranga i ēnei ture e kaha ana te kāwanatanga te whiu ki roto i te whare pāremata.”