February 28, 2024
Ngira Simmonds | Mā te Kīngi te hui tuatahi a ngā Ariki o Whīti e whakatuwhera
Mā te kīngi a Tūheitia e whakatuwhera anō ai te kaunihera a ngā ariki o Te Moananui-a-Kiwa kua roa e korehāhā ana.
Koia te kōrero a te māngai o te Kīngitanga a Ngira Simmond, i te whakawhitinga arorangi a te Kīngitanga ki Whīti i te wā nei ki te tautoko i ā tātou whanaunga o ngā motutere.
Hei tāna, kua riro mā te kīngi i te rangi nei e whakarangatira ai te noho tuatahi a tēnei kaunihera taketake o Whīti e hāpai ai ngā iwi o reira.
E ai ki a Simmonds, “i tēnei rā ka haere a Kīngi Tūheitia ki te whakatuwera i te Great Council of Chiefs. He kaunihera o ngā rangatira o Whīti kua pōwhiritia rātou ki te kīngi kia haere ki te whakatuwhera i tēnei kaunihera kua moe mō te neke atu i te tekau mā ono [16] tau i tēnei rangi ka ora anō tēnei o ngā kaunihera.”