February 23, 2024
Te Pūoho Kātene | Tukua ō rawa ō toi hoki ki te ao whānui
Tupu te toi whanake te toi, he toi i ahu mai i Hawaiki.
E waihanga ana a Tapuwaeroa me ngā ringatoi taketake o Native Max i te ara e hora ai, e ora hoki ai ngā kamupene taketake.
Koia te kōrero a te kaiārahi o Tapuwaeroa a Te Pūoho Kātene, e kōkiri ana i te tāpoi a Toi Tukua i tēnei wiki ki te Māori me ngā iwi taketake o Amerika.
Hei tāna ko ngā hua kia taea e ngā kamupene taketake te whakatairnag, me te tautoko i ā rātou anō mā te mahi tahi.
E ai ki a Kātene, “he huarahi matua e hono ai tātau ki ngā iwi ki ngā hapori taketake o te ao nō reira ko tēnei minenga he pūkenga tō rātou ki te whakatupu i ngā kaipakihi taketake e pā ana ki te mahi toi ā ko te mahi pūrākau ko te mahi whakaata nō reira i arotahi mātau ki te mahi tahi ki ō rātou taha. Kua puta mai ēnei pūkenga me te whakatū i tētehi hui taumata mō te Indigenous Comic Con me kī ko Indigipopx mō ngā iwi taketake o Amerika.”