February 22, 2024
Te Aorangi Dillon | Kua tāhae ngā taonga parāoa o Ngāti Hāua
E auē ana ngā uri o Ngāti Hāua hapū i ngā mahi tahae o ā rātou taonga parāoa ki Taranaki.
Koia ko ngā kōrero a te uri o Ngāti Hāua a Te Aorangi Dillon.
Kua rima tau ngā taonga nei e tiakina ana e te hapū ki tētahi wharau motuhake i te whenua o Otakeho, pātata atu ki Kāupokonui, te tātahi i pae ai ngā tohorā ki uta.
Hei tā Dillon, ku’ whētuki manawa rātou te haukāinga i te rironga atu o ngā taonga paraoa nei.
‘I tae mai te karere mai tōku mātua kēkē i tōnā ohorere me kī. I tae atu ki te hēti e mau ana i ēnei o ngā taonga me tōnā kitenga kua tāhae tētahi i ētahi o ngā kōiwi nō roto i te whare otirā i ētahi o ngā nihi parāo hoki. Āe, i taua wā i ohorere.’