November 22, 2022
Whakanuia te oranga tangata
Horekau he take o te tatari kia mate noa te tangata i mua i te whakanui i a ia. Koia te kōrero a te heamana o te Rūnanga o Te Rarawa, a Haami Piripi, mō te hōnore nui i tau ki runga i a ia ki te tuku i te tohu Whare Pūkenga ki a Ahorangi Whatarangi Winiata i te mutunga wiki nei.
I whakatuhia te tohu Whare Pōkenga e te rōpu heamana whakahaere a-iwi hei whakanui i ngā rangatira Māori o te motu, e kaha tautoko ana, e kaha hāpai ana i a Ngāi Māori o Aotearoa, nā whai anō, ko rātou e ū ana ki nga mātāpono o te rōpū, arā ko te rangatiratanga, te whanaungatanga, te manaakitanga, te kaitiakitanga, te tikanga me te pono. Hei tā Piripi, he tino taonga a Winiata ki te ao Māori, nā ngā mahi kua tutuki i a ia.