February 20, 2024
Tai Ahu | Me whakahoki mai te kāwanatanga i te pūtea tautoko mō ngā rīpoata ahurea
E whakakipakipa ana ētahi rōia Māori kia whakahokia e te kāwanatanga te pūtea tautoko e puta ai ngā rīpoata ahurea mō ngā kaiwhakawā.
E ai ki te māngai o ngā rōia Māori o Aotearoa e ai ki a Tai Ahu, kāore i te tika tēnei mahi a te kāwanatanga ki te rāngai ture.
Hei tāna he raru nui ki te kaiwahawā, ki te kore he pūtea tautoko e tautoko ai te puta o ngā rīpoata ahurea ki te kōti,
E ai ki a Ahu, “kei te kaiwhakawā tonu te mana ki te whakatau engari ki te tangohia tērā pūtea e kōkiri ai ērā rīpoata ka kāpō te kōrero ki mua i te kaiwhakawā. Nō reira kāore e noho tau mātou o te hunga rōia Māori ki ērā tango pūtea arā me hoki mai tērā pūtea mō ērā rīpoata. Ko te mea tuarua kāore e taurite ki te hunga kei ā rātou pea te pūtea i te utu ki te whakatakoto i ērā rīpoata ki mua i te aroaro o te kaiwhakawā. Nō reira mō te hunga kaihara whairawa kei ā rātou tētahi huarahi.”