February 20, 2024
Monowai Turei | Kaua e moumou taonga Maōri ki te pō
E pohiritia ana ngā hunga ngākaunui ki ngā tāonga Māori ki te hui Tiaki Taonga nā Wai 262, ka whakahaerehia ki te māra o Pukeiti, ki Taranaki ā te Rāhoroi.
Hei tā te kaiwhakahaere o te kaupapa a Monowai Turei, he kotahi noa tēnei momo hui ka tū ki Taranaki.
E hāngai ana te hui ki te kerēme i whakaurua ki Te Taraipunara o Waitangi i te tau 1991, nā ko tā Turei mā te hunga e tae atu ki te hui nei e wānanga ai ngā wawata o ngā iwi whānui o Taranaki.
Hei tāna anō, ‘ ko te hui mō te mana whenua, mō ngā hapū, ngā iwi, ā ngā uri katoa o tō tātou whenua anō nei ko tēnei momo kaupapa e noho ana ki roto i a Taranaki mō tēnei wānanga noa. Nā reira, nau mai haere mai e te whānau ngā uri o Taranaki maunga katoa. Ko te manako ka whai wā koutou ki te rongo, ki te whakarongo ki ngā kōrero a ō mātou pou e pā ana ki ngā taonga. Anō nei kia whai wā koutou ki te hoatu ō koutou whakaaro.’