January 19, 2024
Te Taepa Kameta | Tiro ki tua hei pāinga mō tātou
Ko te anamata o te Māori tētehi o ngā kaupapa nui ka kōrerohia ki te rangi whakanui i te whānautanga mai o Tahupōtiki Wiremu Rātana ā te wiki e tū mai nei.
Koia te kōrero a te māngai o te hāhi Rātana, koia ko Te Taepa Kameta i a rātou e whakarite ana mō te rangi nui whakaharahara nei ā te 25 o Hānuere, me te mea hoki kā tū te hui ā-motu a te Kīngitanga a te Hātarei.
Hei tā Kameta, ko te koke whakamua i ngā take ahurea Māori tētehi whāinga matua.
Hei tāna anō hoki, ‘ i runga i ngā mātāpono, waihotia mai e te poropiti me te mōhio anō hoki, he maha ngā kaupapa huri noa i te motu tatū iho ki ngā mahi tōrangapū, he wā anō kia taetae mai te iwi ki te kōrero i ngā āhuatanga o roto i te hāhi o roto i te māramatanga. Tatū atu ki tō tātou kīngi a Kīngi Tūheitia, Te Ariki Tumu me ngā rangatira katoa o te motu e whakakotahi mai nei ki te kimi huarahi e anga whakamua ai tō tātou iwi Māori.’