January 19, 2024
Bayden Barber | Kua ara ake te taniwha i tōna rua
Kua maranga mai te iwi Māori ki te karanga a Kīngitanga kia tapatahi ai te reo hei waha i ngā wawatā o te ao Māori ki tō tātou kāwanatanga hei te wiki nei ki Tūrangawaewae marae.
E ai ki ngā whakaaro o te heamana o Ngāti Kahungunu iwi a Bayden Barber, me tūpato te kāwanatanga i te mea kua ara ake te iwi Māori ki te patu i ā rātou ture, kaupapa here rānei e hē ai te noho a tāua te Māori ki tēnei whenua.
Hei tāna, “kia kotahi ai te reo kia kotahi ai te anga whakamua nō reira he unu taniwha tēnei mahi a te kāwanatanga ko tātou te iwi Māori tērā taniwha e kōrerotia nei e au heoi anō kua maranga kua matika kua ara ake tātou nē. E kore e taea te whakangawari i tēnei taniwha nō reira āe koirā taku whakatūpatotanga atu ki te kāwanatanga.”