December 18, 2023
Blake Ihimaera | E 800 Ngāpuhi i hāpai i ngā waiata o tuawhakarere
Inā te āhuareka a te noho tahi a te teina me te tuakana.
Ko tōna waru rau uri o Ngāpuhi i hui katoa ki te whare tāpere o Manukau i te Hātarei ki te ako i ngā waiata tawhito o te iwi, ā, he whakakotahi hoki i ā rātou ngā hunga e noho ana ki Tāmaki Makaurau.
Hei tā tētahi o ngā kaiako o te kaupapa, hei tā Blake Ihimaera, ko te hirahiratanga o te kaupapa o Ngāpuhi ki Tāmaki ko te tokomaha i tae atu ki te hāpai i te kaupapa.
Hei tā Ihimaera anō hoki, “tahi mano tāngata i rēhita atu ki tēnei kaupapa ka mutu e 800 ngā tāngata i tae atu nō reira he kaupapa nui ki te whakakotahi i tērā hunga koirā pea tētahi o ngā tino. Tuarua ko te noho a te Ngāpuhi ki waenganui i tētahi hapori Ngāpuhi i roto pū i a Tāmaki Makaurau. He hono pea i te iwi ki ngā tāngata katoa, koirā tētaho o ngā hua i puta hoki.”