December 13, 2023
Mai i te māra ki te Whare Pāremata
Kāore a Hana-Rāwhiti Maipi-Clarke i hiahia ki te uru ki te ao tōrangapū – i pai rawa ake ki a ia te mahi mārā. Heoi nā tana hōha i ngā mahi raweke a ētahi kaitōrangapū i ngā kaupapa Māori i puta ai ia i te māra ki te whare raiona.
Koia te kōrero a te mema Pāremata rangatahi rawa atu i ngā tau 170 i tana kauwhau tuatahi ināpō.
E ai ki a Maipi-Clarke, e 21 tau te pakeke, i tohua ia kia kaua ia e mauroa i ngā kupu ngākau kino, i ngā kupu whakatakē o te ao tōrangapū.
Heoi i kī tonu ia he uaua te karo nā runga i te tuki a te kāwanatanga haumi ki te katoa o tōna ao, arā, ngā kaupapa o te hauora, te wai, te whenua, ngā rawa māori, te reo Māori, ngā wāri Māori, ngā tamariki, me Te Tiriti o Waitangi. Hei tāna, “E kore rawa au e tuku i te mana ki a koutou ki te pēhi nei i tōku nei ao. Kāore au e mōhio ki tētehi ao anō.”