December 06, 2023
Whāia tō wero kowheori tāpiri: Dr Rawiri Jansen
Whāia tō wero kowheori tāpiri kia haumaru ai tō hauora i te raumati. Koia nei te kī a te rata matua o Te Aka Whai Ora, a Tākuta Rawiri Jensen, whai muri i te piki o ngā kēhi i ngā wiki kua tata.
Hei tāna, e wātea ana ngā wero tāpiri ki ngā tāngata katoa e pakeke ake ana i ngā tau e 30 ā, ki te hunga kua eke ki te ono marama mai i te pā o te mate korona, i te wero tāpiri hoki ki a rātou.
Ka kī tonu a Jansen kaua e pōhēhē kua kore te mate korona he mate mōrearea. E ai ki ngā raraunga mō te wiki tae ana ki te Māne kua hori, e 20 ngā tāngata kua riro i te kowheori. E 6,656 ngā kēhi hou i rīpoatatia huri noa i te motu, ā, kua tata ki te haurua o aua kehi he pokenga anō. E 332 te tau o ngā turoro kowheori i hōhiperatia, ā, kotahi te tangata i te whare whāomoomo.